Month: December 2023

សម្តេចតេជោ ហ៊ុន សែន អញ្ជើញបើកការប្រកួតកីឡាវាយកូនគោល «ពានរង្វាន់សម្តេចតេជោ ហ៊ុន សែន លើកទី៧» (រាជធានីភ្នំពេញ) ថ្ងៃសៅរ៍០៣រោច ខែមិគសិរ ឆ្នាំថោះ បញ្ចស័ក ពុទ្ធសករាជ. ២៥៦៧ ត្រូវនឹងថ្ងៃទី៣០ ខែធ្នូ ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានអញ្ជើញជាអធិបតីបើកការប្រកួតកីឡាវាយកូនគោល «ពានរង្វាន់សម្តេចតេជោ ហ៊ុន សែន លើកទី៧» ដែលប្រារព្ធឡើងនៅទីលានវាយកូនគោលវឌ្ឍនៈហ្គោលរីសត។ ការប្រកួតកីឡាវាយកូនគោលដណ្តើមពានរង្វាន់របស់សម្តេចតេជោ ត្រូវបានធ្វើឡើង ដើម្បីអបអរសាទរការបិទបញ្ចប់សង្គ្រាមស៊ីវិលនៅកម្ពុជា ក្រោមនយោបាយ ឈ្នះ ឈ្នះ របស់សម្តេចតេជោ ហ៊ុន សែន នៅថ្ងៃទី២៩ ខែធ្នូ ឆ្នាំ១៩៩៨ ឆ្នាំ២០២៣នេះមានរយៈពេល ២៥ឆ្នាំហើយ។

(ភ្នំពេញ)៖រថយន្តម៉ាកព្រូសស្ថិតក្នុងល្បឿនលឿន តៃកុងបានបត់ត្រឡប់ក្រោយ យ៉ាងបង្ខំត្រូវរថយន្តព្រូស១គ្រឿងទៀត មកពីក្រោយក៏បុកពេញទំហឹង ខ្ទាតទៅលើសួនច្បារ បណ្តាលឱ្យខ្ទេចខ្ទីមួយកំណាត់ដូចគ្នា។គ្រោះថ្នាក់ចរាចរណ៍នេះនៅផ្លូវជាតិលេខ៦ ក្នុងខណ្ឌជ្រោយចង្វា កាលពីរំលងអធ្រាត្រចូលថ្ងៃទី២៨ ខែធ្នូ។ សាក្សីបានឱ្យដឹងថា មុនកើតហេតុគេឃើញរថយន្តម៉ាកToyota Prius ផ្លាកលេខភ្នំពេញ 2BK-5807 បើកតាមផ្លូវជាតិលេខ៦ ពីលិចទៅកើតក្នុងល្បឿលឿន។ មកដល់កន្លែងខាងលើក៏បួងចង្កូតបត់ត្រឡប់ក្រោយយ៉ាងបង្ខំ។ពេលនោះក៏មានរថយន្តToyota Prius១គ្រឿងទៀត ផ្លាកលេខភ្នំពេញ 2BS-6220 បើកមកពីក្រោយហ្រ្វាំងមិនទាន់ ក៏បុករថយន្តកំពុងបត់ពេញទំហឹង ខ្ទាតទៅលើសួនច្បារ ខូចខ្ទេចមួយកំណាត់យ៉ាងដំណំដូចគ្នា។តែមិនបង្កគ្រោះថ្នាក់ដល់មនុស្សទេ។ ក្រោយពីកើតហេតុកម្លាំងជំនាញបានចុះមកវាស់វែង ហើយយករថយន្តទាំង២គ្រឿងទៅទុកនៅកន្លែងនគរបាលចរាចរណ៍រាជធានីភ្នំពេញ ដើម្បីឱ្យភាគីទាំងសងខាងចូលដោះស្រាយពេលក្រោយ៕

ប៉ៃលិន៖ គណៈកម្មាធិការរៀបចំដែនដី និ​ងនគរូបនីយ​កម្មខេត្តប៉ៃ​លិន ដឹកនាំដោយលោក ហុក សុ​ផល អភិបាលរងនៃគ​ណៈអភិ​បាលខេត្តប៉ៃ​លិន តំណា​ងលោក​ស្រី បាន ស្រីមុំ ​អភិបាល នៃគណៈ​អភិបាល​ខេត្តប៉ៃលិន បានដឹក​នាំសិក្ខាសាលាពិគ្រោះយោបល់ លើការងារកសា​ងផែន​ការរៀបចំ​ដែនដី​ខេត្តប៉ៃលិ​ន ចក្ខុវិស័​យឆ្នាំ២០៤​៥ ដោយមា​នការចូលរួមគាំ​ទ្របច្ចេកទេស ពីគណៈកម្មាធិ​ការរៀប​ចំដែនដី និងនគរូបនីយកម្មថ្នាក់ជាតិ និងការចូលរួមពី​តំណាងក្រុមប្រឹក្សាខេត្ត រដ្ឋបាលក្រុង ស្រុក​ ឃុំ សង្កាត់ ភូមិ សរុបអ្នកចូ​លរួម ចំនួន ​ជិត២០០​នាក់ នាល្ងាចថ្ងៃទី១៥ ខែធ្នូ ឆ្នាំ២០២៣។ លោក​ ហុក សុផ​ល អភិ​បាលរងខេត្ត បានមានប្រសាន៍​ថា វិស័យរៀប​ចំដែនដី និងនគរូបនីយកម្ម គឺជា​យន្តការមួយដ៏​សំខាន់ ដែល​ពុំអាចខ្វះ​បានក្នុងកា​រអភិវឌ្ឍប្រទេ​សជាតិ សំដៅកាត់បន្ថយភា​ពអ​នាធិប​តេយ្យ ក្នុងការ​កាន់កាប់ ប្រើប្រាស់​ដីធ្លី និងវិវាទដីធ្លី ព្រមទាំងរៀ​បចំកែលម្អហេ​ដ្ឋារចនាស​ម្ព័ន្ធសា​ធារណៈ និងឯក​ជនឱ្យមាន​សណ្តាប់ធ្នាប់ និង​សោភ័ណភាពល្អ។ លោកបា​នបន្តទៀតថា ផែនកា​រប្រើប្រាស់ដី និង​ប្លង់គោលប្រើ​ប្រាស់ដី គឺជា​ការកំណត់អំពីចក្ខុវិស័យ និងយុទ្ធសា​ស្ត្រតម្រង់ទិស ស​ម្រាប់អភិវឌ្ឍន៍រូបវន្ត ​និងការកំណត់ប្រភេទនៃការប្រើប្រាស់ដី ព្រម​ទាំងបង្ហាញអំពីទម្រង់បណ្តាញហេដ្ឋារចនាសម្ព័ន្ធសំខាន់ៗនៃក្រុង ស្រុក […]